OS SINAIS DE TRÁFICO

Os seres humanos vivimos en sociedades complexas. Estas sociedades funcionan porque existe toda unha serie de normas, que todos respectamos, e que codifican e poñen límite aos nosos comportamentos (as leis, o código civil, o código penal, a gramática, e un longo, longuísimo etcétera). Un código, e non menor, é o que regula o noso xeito de conducirnos pola vida, ou mellor dito, polas vías: o código de circulación, regulado polos sinais de tráfico.

Por iso as nenas e nenos de 2ºB de E.S.O creron que sería unha moi boa idea introducir xa a rapazada de primaria nunha das normas máis importantes da nosa sociedade actual. Céntranse nos sinais que se atopan nas rúas (como é obvio debido a que primeiro son peóns e non condutores) explicandoos, onde se atopan, e a sua función. Ademais os alumnado fixo un gran traballo de investigación sobre os menos frecuentes.  

Dependendo das idades do alumnado, adaptan o contido do seu traballo realizando diferentes actividades para que se faga máis dinámico e divertido. Unha das actividades a realizar para os máis pequenos é a creación dos propios sinais de tráfico (prohibido monstros, advertencia de crocodilos, árbores que caen, etc. son algúns sinais que se inventan nos obradoiros).

Os maiores teñen unha actividade máis seria, pero igual de interesante. Se atenderon á explicación dos nosos compañeiros, responderán as preguntas tipo test sen ningún erro, por exemplo: -Que significa este sinal? -Que é a educación vial?