ENTREVISTA A PASTORES

Hoxe tivemos a oportunidade de facer unha entrevista a algúns pastores, dos moitos que hai. Eles teñen unha función esencial nestes días.
Os tres pastores que fomos entrevistar foron os alumnos Brais Riveira, Rodrigo Comesaña e César Pérez de 3º E.S.O. O seu traballo como pastores, igual que os dos seus compañeiros, consiste en levar os nenos de primaria e infantil ás actividades que teñen preparadas os alumnos de secundaria.
Obtemos tamén comentarios destes pastores, que opinaron respecto ao seu traballo: “É fácil coidar dos nenos, o único malo é que case sempre hai un que quere destacar e dá un pouco máis a lata.”

Seguimos entrevistando pastores e ao final case todos coinciden no mesmo, que parece máis doado do que é e adoitan ser máis sinxelos cursos como primeiro e segundo de primaria. Os cursos máis problemáticos son quinto e sexto, dixéronnos os pastores referíndose a que os rapaces e rapazas son máis axitados e revoltosos. Outros pastores e pastoras como Alexandre Faro, Aida Fernández e Carla Nava, opinan que en conxunto se poden ter momentos moi divertidos cos nenos e coas nenas.