Gill Grissom, o afamado protagonista do C.S.I.-Las Vegas, estaría orgulloso de nós: Thiago, Luis, Alex e Christian, descóbrennos o segredo das pegadas dactilares e de cal é a súa función.
Estes alumnos de 4ºC de E.S.O. recollen as pegadas dactilares dos rapaces nun anaco de celo con pó de talco ou xiz e, mediante xogos interactivos, móstranlles os diversos usos que na actualidade damos ás pegadas dactilares. Tal é o caso da tecnoloxía, xa que moitos dos máis modernos smartphones empregan a pegada dixital como método de desbloqueo; ou a ciencia forense, que resolve crimes porque moitas veces os culpables pódense identificar mediante a súas pegadas; ou mesmo para identificarnos, xa que todos temos as pegadas dixitais rexistradas no noso DNI.
As pegadas dactilares orixínanse durante o embarazo a causa dos movementos do feto.
Tamén axudan ás persoas con deficiencias visuais porque teñen máis desenvolvido o sentido do tacto, e os surcos das pegadas aínda aumentan dita sensibilidade, o que mellora a súa capacidade para ler os libros en braille.
O obxectivo desta actividade é que os rapaces e rapazas aprendan como se forman as pegadas, os diferentes tipos e os ámbitos onde se empregan.
Comentarios
Publicar un comentario